søndag 28. august 2011

Rosa idyll

Før eg fekk barn himla eg med augene over alle dei som kledde jentene sine i sukkersøte rosa klede, og tenkte med meg sjølv at at når eg ein gong vart mor skulle ungane mine vere kledd i alle andre fargar enn rosa (gutane sjølvsagt i andre fargar enn blå...), og aller helst i mine gamle oransje, raude, grøne og brune barneklede. Så feil kan ein ta.


Her snakkar vi lyserosa idyll for alle penga. Yndige kjolar, søte bodyar, blomstrete bukser og pastellfarga jakker. Gjerne med accesoires som blonde-huer, rosa smokker, lyserosa koser og bittesmå ballerina-sko. Ikkje min feil at yndlingsfargen til Sigrid er rosa (og at ho kler den så godt!)...

(Som seg hør og bør ein ekte mote-blogg: Sigrid er kledd i rosa silke-hue frå Fretex, gul strikkejakke kjøpt i Australia og blomstrete sparkebukse frå Lindex. Rosa helseteppe frå då eg var baby og hekla vognteppe som er ei gåve frå ei venninne. Kaninkosene (som ALLTID må vere med på tur) er gåver frå bestemor).

3 kommentarer:

Thea sa...

Fine Sigrid! Gler meg til å møte ho i helga:)

Heidi / I'm with Leia sa...

Ja! hun er så fin i rosa :)

Har selv samme mening som deg men jaggu meg så har det sniket seg inn en del blått/ lyseblått til guttungen likevel ;)

Cecilie sa...

Når jeg ser gjennom klærne etter Jenny er det nesten ikke annet enn rosa å oppdrive...

Jeg kan nok lett se for meg at Erlend har holdt et foredrag om kunst, ja, han har avsluttet eller er i ferd med å avslutte doktorgraden sin i kunsthistorie!