tirsdag 15. juni 2010

Pai med kylling og bacon

Eg har byrja å abonnere på Apéritif sine daglege middagstips. Kjekt å få i innboksen min når eg manglar både kreativitet og idear til dagens middagsrett. Eit av tipsa siste veka var pai med kylling og bacon. Pai er for meg ein sommarrett, og smakar sjølvsagt aller best når den kan konsumerast ute i sola på balkongen vår. 

Paibotn:
125 g smør
200 g kveitemjøl
2 ss vatn

Fyll:
Kjøt av ½ grilla kylling
100 g bacon
250 g kvitost
2 ss graslauk
½ ts pepar
4 egg
2½ dl mjølk

Framgangsmåte:
Smuldre smør og mjøl. Tilset kaldt vatn og lag ein jamn deig. Lat deigen stå kaldt i ca. 30 minutt. Trykk deigen ut i ei paiform og prikk den med ein gaffel. Steik botnen på 200 grader i ca. 10 minutt til den er gylden. Reins kyllingen for skinn og bein. Skjær kjøtet i passe store bitar. Steik bacon i små bitar og legg dei saman med kyllingkjøtet i det ferdige paiskalet. Bland egg, mjølk, graslauk, pepar og ost og hell blandinga over kjøtet. Steik paien vidare på 180°C i ca. 30 minutt til eggblandinga er stiv. Serverast saman med ein frisk salat med tomatar, solsikkekjerner og yoghurt-dressing med frisk timian, kvitlauk og salt og pepar.

3 kommentarer:

Katrine sa...

Såg godt ut. Du har verdens kosligaste balkong; ein får aldri lyst til å gå der i frå...

In my house sa...

MMMMMMmmmmmmm, det såg smarrigt gott ut,,, paj är god mat! nu blev jag juh hungrig =)=)

Härlig blogg...

kram josse

Lille sa...

Hei! Takk for koselig kommentar på bloggen min! :) Jeg skal virkelig sjekke ut plantasjen, selv om jeg ikke har sett den der til nå :)

Ha en fin dag videre! :)
Varme hilsner fra Maya